Deísmo - Glosario de filosofía
Si una palabra no aparece en el listado de términos mostrado es que no se encuentra definida en el glosario.
- Deísmo
- Do latín "deus" (deus). Termo que comezou a utilizarse nos séculos XVII-XVIII para referirse ás doutrinas filosóficas ou relixiosas que defendían a existencia de deus como principio da realidade, pero despoxado dos atributos con que o revestira o cristianismo: providencial, creador, persoal, etc. O deísmo mantén a existencia dun deus que só pode ser pensado cos atributos que pode acadar a razón natural, prescindindo de todo dato procedente da revelación.
Entre os que defenderon esta posición podemos citar a Locke, Bayle, Toland, Collins, Woolston e Voltaire. Os deístas coinciden, ademais, en opoñer a relixión natural (ou racional) ás relixións históricas.